వ్యవస్థాపక సంపాదకులు

దేవులపల్లి అమర్

ఎడిటర్

దేవులపల్లి అజయ్

ఆఫ్గన్‌ ఉ‌గ్రవాదులతో .. కశ్మీర్‌, ‌ఢిల్లీలో దాడులకు పాక్‌ ‌కుట్ర

August 23, 2019

తమిళనాడులో ఉగ్రవాదుల చొరబాటు! శ్రీలంక దుగా దేశంలోకి లష్కరే ముష్కరులు
నిఘా వర్గాల హెచ్చరికలతో రాష్ట్రంలో హైఅలర్ట్
కశ్మీర్‌ ‌విషయంలో ఎంతటి పోరాటానికైనా వెనుకాడబోమని గోబెల్స్ ‌ప్రచారం చేస్తోన్న దాయాది పాకిస్థాన్‌.. ‌మరోసారి భారీ ఉగ్రదాడికి వ్యూహరచన చేసినట్టు నిఘా వర్గాలు హెచ్చరించాయి. ఈసారి కశ్మీర్‌లో పెద్దఎత్తున మారణహోమం సృష్టించేందుకు కుట్రపన్నినట్టు ఐబీ తెలిపింది. ఆప్గన్‌ ఉ‌గ్రవాదులను కశ్మీర్‌లోకి పంపి దాడులకు ప్రయత్నిస్తున్నట్టు నిఘా వర్గాలు పసిగట్టాయి. ఆర్టికల్‌ 370 ‌రద్దు తర్వాత కశ్మీర్‌లో కల్లోలానికి కుట్రలు పన్నుతోన్న పాపిస్థాన్‌.. ఉ‌గ్రవాదుల చొరబాట్లకు సిద్ధం చేసింది. నియంత్రణ రేఖ వెంబడి పాక్‌ ఆ‌క్రమిత కశ్మీర్‌లోని ఉగ్రవాద శిబిరాల వద్ద ఉగ్రవాదులు చొరబాటుకు సిద్ధంగా ఉన్నట్టు నిఘా సంస్థలు పేర్కొన్నాయి. కశ్మీర్‌తోపాటు దేశ రాజధానిలో ఉగ్రదాడులకు చాలా మంది ఆప్గన్‌ ఉ‌గ్రవాదులును సిద్ధంచేసినట్టు ఐబీ వర్గాలు తెలిపారు. అంతేకాదు, కశ్మీర్‌లో భద్రతా బలగాలను కూడా లక్ష్యంగా చేసుకున్నట్టు పేర్కొన్నాయి. కశ్మీర్‌లో రాజకీయ నేతలను సైతం టార్గెట్‌ ‌చేసినట్టు విశ్వసనీయ వర్గాల ద్వారా తెలిసింది. జమ్మూ కశ్మీర్‌లోని భద్రత సిబ్బందిపై దాడులకు పాకిస్థాన్‌ ఉ‌గ్రవాద సంస్థ జైషే మహ్మద్‌ ఇప్పటికే వ్యూహరచన చేసినట్టు రిసెర్చ్ అం‌డ్‌ ఎనాలిసిస్‌ ‌వింగ్‌ (‌రా) నివేదిక హెచ్చరించింది. రా నివేదిక ప్రకారం… ఆగస్టు 19న పాకిస్థాన్‌ ‌బహ్వాల్పూర్‌లోని మర్కజ్‌ ఉస్మాన్‌ ఓ అలీలో జైషే ఉగ్రవాద సంస్థ ఓ ప్రత్యేకంగా సమావేశమైనట్టు తెలిసింది. జేషే అధినేత మసూద్‌ అజార్‌ ‌సోదరుడు, ఆ సంస్థ ఆర్మ్‌డ్‌ ‌వింగ్‌ ‌కమాండర్‌ ‌రౌఫ్‌ అస్ఘర్‌ అధ్యక్షతన ఈ సమావేశం జరిగింది. అలాగే పాకిస్థాన్‌కు చెందిన ఉగ్రవాదులు కశ్మీర్‌లోని పాఠశాలలు, ప్రభుత్వ భవనాలు, అధికారులు, జమ్మూ కశ్మీర్‌ ‌పోలీసులను టార్గెట్‌ ‌చేసినట్టు మరో సమాచారం నిఘా వర్గాలకు అందింది. కశ్మీర్‌లో పరిస్థితులు ఇప్పుడిప్పుడే చక్కబడతుండగా, ఉగ్రదాడుల హెచ్చరికలతో జనం మరింత ఆందోళన చెందుతున్నారు. ఉగ్రమూకలు ఎప్పుడు విరుచుకుపడతాయోనని భయపడుతున్నారు. ఆర్టికల్‌ 370 ‌రద్దుకు ముందే కశ్మీర్‌కు భారీగా బలగాలను తరలించిన కేంద్రం.. అక్కడ కట్టుదిట్టమైన భద్రతను కల్పించింది. కానీ, సరిహద్దుల్లోని భారత సైనిక స్థావరాలపై పాకిస్థాన్‌ ‌దాడులకు పాల్పడి ఉగ్రవాదులను కశ్మీర్‌లోకి పంపేందుకు ప్రయత్నిస్తోంది.