ఎల్బీనగర్ , ప్రజాతంత్ర, నవంబర్ 21: దీక్షతో మనసును పునీతం చేసుకునే క్రతువు, శరణు ఘోషతో దయాంతరాల్లోని కరుణను వెలికితీసే సాధనే ఈ అయ్యప్ప దీక్ష అని ఎల్.బి.నగర్ భారాస పార్టీ అభ్యర్థి, శాసనసభ్యులు దేవిరెడ్డి సుధీర్ రెడ్డి అన్నారు. మంగళవారం హస్తినపురం డివిజన్ పరిధిలోని ఈదులకంటి రాంరెడ్డి గార్డెన్స్ నందు జరిగిన అయ్యప్ప స్వామి మహపడిపూజ కార్యక్రమంలో ఎల్.బి.నగర్ భారాస పార్టీ అభ్యర్థి, శాసనసభ్యులు దేవిరెడ్డి సుధీర్ రెడ్డి ముఖ్య అతిథిగా విచ్చేసి, అయ్యప్ప స్వామికి ప్రత్యేక పూజలు చేశారు. ఈ సందర్భంగా ఆయన మాట్లాడుతూ అయ్యప్ప స్వామి దీక్ష నలభై రోజులపాటు కొనసాగించే ఆధ్యాత్మిక సాధన అని, అత్యంత నియమ నిష్ఠలతో దీక్ష కొనసాగిస్తూ అలౌకిక ఆనందాన్ని పొందుతారని, నిత్యం అయ్యప్పస్వామి సేవలో తరిస్తారని తెలిపారు.
అయ్యప్ప దీక్షతో మనసును పునీతం ఎమ్మెల్యే దేవిరెడ్డి సుధీర్ రెడ్డి
