ఉమ్మడి అభ్యర్థి గెలుపుకై శ్రమించాలి వడ్డేపల్లి రాజేశ్వర్ రావు

కూకట్ పల్లి, ప్రజాతంత్ర, నవంబర్ 22 : బీజేపీ జనసేన నాయకులు సమిష్టిగా పని చేసి ఉమ్మడి అభ్యర్థి గెలుపుకై శ్రమించాలని బీజేపీ రాష్ట్ర కార్యవర్గ సభ్యులు వడ్డేపల్లి రాజేశ్వర్ రావు పార్టీ శ్రేణులకు పిలుపునిచ్చారు. బుధవారం కూకట్ పల్లి నియోజకవర్గంలోని కూకట్ పల్లి  డివిజన్ కూకట్ పల్లి గ్రామ రామాలయం నుండి ప్రారంభమైన బీజేపీ బలపరిచిన జనసేన పార్టీ ఉమ్మడి అభ్యర్థి ముమ్మారెడ్డి ప్రేమ కుమార్ పాదయాత్రలో బీజేపీ రాష్ట్ర కార్యవర్గ సభ్యులు వడ్డేపల్లి రాజేశ్వర్ రావు స్థానిక నాయకులు, కార్యకర్తలతో కలిసి పాల్గొన్నారు. ముమ్మారెడ్డి ప్రేమ్ కుమార్ స్వర్గీయ వడ్డేపల్లి నర్సింగ్ రావు విగ్రహానికి పూలమాలలు వేసి నివాళులు అర్పించారు. ఈ సందర్బంగా వారు మాట్లాడుతూ నవంబర్ 30న జరిగే సార్వత్రిక ఎన్నికలో అమూల్యమైన ఓటును గాజు గ్లాసు గుర్తుకు వేసి ముమ్మారెడ్డి ప్రేమ కుమార్ ని అత్యధిక మెజారిటీతో గెలిపించాలని ఓటర్లను కోరారు. అనంతరం డాక్టర్ బీఆర్ అంబేద్కర్ విగ్రహానికి పూలమాల వేసి పాదయాత్రను ముగించారు. ఈ కార్యక్రమంలో మేడ్చల్ మల్కాజిగిరి అర్బన్ జిల్లా అధ్యక్షులు పన్నాల హరీష్ రెడ్డి, కూకట్ పల్లి నియోజకవర్గ ఇంచార్జి మాధవరం కాంతారావు, రాష్ట్ర కార్యవర్గ సభ్యులు నాయినేని సూర్యప్రకాష్ రావు, అర్శనపల్లి సూర్యారావు, రాష్ట్ర ఓబీసీ నాయకులు చెదురుపల్లి శ్రీనివాస్ గౌడ్, కాంటెస్టెడ్ కార్పొరేటర్ పవన్, డివిజన్ అధ్యక్షులు అనంత నాగరాజు, పద్మయ్య,  రాష్ట్ర నాయకులు, డివిజన్ నాయకులు, కార్యకర్తలు, జనసేన నాయకులు, పవన్ కళ్యాణ్ అభిమానులు తదితరులు పాల్గొన్నారు.