సోషలిస్టు విప్లవకారుడు
సమసమాజ స్వాప్నికుడు
సామ్యవాద పితామహుడు
శ్రామిక పోరాటాల ఆద్యుడు
అతడే…కామ్రేడ్‌ కార్ల్ మార్కస్
ప్రపంచ కార్మిక ఉద్యమాలకు
ఊపిరిలూదిన విప్లవ సూరీడు
పెట్టుబడిదారుల గుండెల్లో
చావు భీతి రేపిన రణ ధీరుడు
నిరంకుశ పాలక కోటగోడల
బీటలుబార్చిన భీకర వీరుడు
కమ్యూనిస్టు కార్యాచరణకు
మ్యానిఫెస్టో రచించిన శ్రేష్ఠుడు
ఎర్ర జెండాకు ఓ ఎజెండాను
రూపొందించిన దార్శనికుడు
ప్రపంచ పౌరులారా ఏకంకండీ
పోరాడితే పోయేది ఏమి లేదు
బానిస సంకెళ్లు తప్పా అంటూ
నింగినంట నినదించిన శూరుడు
శ్రామిక వర్గ చైతన్యం కోసం
సమ సమాజ స్థాపన కోసం
జీవితం అర్పించిన త్యాగశీలి
నిర్బంధాలు ఎన్ని ఎదురైనా
నమ్మిన సిద్ధాంతం వీడలేదు
కటిక దారిద్య్రం వెంటాడినా
ఎత్తిన కాగడాను దించలేదు
ఆ అతిరధుడు అస్తమించినా…
శ్రామిక,కార్మిక వర్గాల గుండెల్లో
ఉద్యమ సూర్యుడై ప్రభవిస్తాడు
ప్రపంచ యోధకు లాల్‌ సలామ్‌
విశ్వ విఖ్యాతకు విప్లవ జోహార్‌
(మార్చి 14 న కారల్‌ మార్కస్ వర్దంతి సందర్బంగా…)
– కోడిగూటి తిరుపతి, 9573929493
