ఆయన…
ఓ శాస్త్రవేత్త
ఓ సాహితీవేత్త
ఆ మేధ అద్భుతాల గని
ఆ చేత ఆవిష్కరణల నిధి
ఓ సృజనశీలి
ఓ ప్రభావశాలీ
ఆ హాసం శాంతి చార
ఆ వీక్షణం క్రాంతి ధార
ఓ నిత్య విద్యార్థి
ఓ సర్వత్ర సత్యార్థి
ఆ పలుకు ప్రణవ నాదం
ఆ ప్రవచనం ప్రమోద గీతం
ఓ మహర్షి
ఓ మహా మనీషి
ఆ అస్థిత్వం అజరామరం
ఆ వ్యక్తిత్వం ఆదర్శప్రాయం
కలలు కనండీ…
సాకారం చేసుకోండని
యువతను ప్రేరేపించిన
నవయుగ జ్ఞాన సూరీడు
దేశ అణ్వస్త్ర పొదిలో
పొదిగిన మిస్సైల్‌ మ్యాన్‌
దేశ అధ్యక్ష పదవికి
వన్నెలద్దిన మిన్నకాడు
తన మేదో సంపత్తి జాతికి
దారబోసిన త్యాగధనుడు
ఆ మహానీయుడే…
భారత రత్న పద్మభూషణ్‌
డా!! ఏపిజె అబ్దుల్‌ కలాం
అపార జ్ఞాన సంపన్నకు
అఖిలజన జయ హరతి
విశ్వంభర వినమ్ర ప్రణతి
(అక్టోబర్‌ 15న అబ్దుల్‌ కలాం జయంతి సందర్బంగా తన స్మృతి పథంలో…)
– కోడిగూటి తిరుపతి, 9573929493
