కాంగ్రెస్ అధికారంలో రాగానే ఆరు గ్యారెంటీలు అమలు
మార్నింగ్ వాక్ లో కాంగ్రెస్ అభ్యర్థి కేఎల్అర్
మహేశ్వరం, ప్రజాతంత్ర నవంబర్ 5: కాంగ్రెస్ పార్టీ చేతి గుర్తుకు వోటు వేసి గెలిపించాలని, అధికారంలోకి రాగానే ఆరు గ్యారెంటీ పథకాలను అమలు చేస్తామని మహేశ్వరం నియోజకవర్గం కాంగ్రెస్ పార్టీ అభ్యర్థి కిచ్చన్నగారి లక్ష్మారెడ్డి పేర్కొన్నారు. ఆదివారం ఉదయం మీర్ పేట్ మున్సిపల్ కార్పొరేషన్ జిల్లేల గూడ చందన చెరువు కట్టపై బడంగ్ పేట్ మున్సిపల్ కార్పొరేషన్ సిరిపురం యాదయ్య క్రీడా మైదానంలో మహేశ్వరం నియోజకవర్గం కాంగ్రెస్ పార్టీ అభ్యర్థి కిచ్చన్నగారి లక్ష్మారెడ్డి, రంగా రెడ్డి జిల్లా కాంగ్రెస్ కమిటీ అధ్యక్షుడు చల్లా నర్సింహ రెడ్డి, సీనియర్ నాయకులు దేప భాస్కర్ రెడ్డి, వై.అమరేందర్ రెడ్డి, ఏనుగు జంగారెడ్డి తదితరులతో కలిసి మార్నింగ్ వాక్ లో పాల్గొని, కాంగ్రెస్ పార్టీ ఆరు గ్యారెంటీ పథకాలను వివరిస్తూ.. చేతి గుర్తుకు వోటు వేసి గెలిపించాలని కోరారు. ఈ సందర్భంగా వారు మాట్లాడుతూ.. రాబోయే ఎన్నికలలో కాంగ్రెస్ పార్టీ గెలిచిన వెంటనే ఆరు హామీలను అమలు చేస్తామని చెప్పారు. కాంగ్రెస్ పార్టీ అంటేనే సంక్షేమం, అభివృద్ధి అని అన్నారు. కాంగ్రెస్ కు వోటు వేసి, గెలిపించాలని విన్నవించారు.ఈ కార్యక్రమంలో కాంగ్రెస్ నాయకులు, కార్యకర్తలు పాల్గొన్నారు.
