కాంగ్రెస్ మాయ మాటలు నమ్మి ఆగం కావొద్దు

తాండూరు, ప్రజాతంత్ర, నవంబర్ 20: కాంగ్రెస్ పార్టీ చెబుతున్న మాయమాటలు నమ్మి ఆగం కావద్దని తాండూరు అభివృద్ధికి నిరంతరం పాటుపడుతున్న బీఆర్ఎస్ అభ్యర్థి రోహిత్ రెడ్డిని గెలిపించాలంటూ ఆయన సతీమణి ఆర్తి రెడ్డి ప్రజలను కోరారు. ఎన్నికల ప్రచారంలో భాగంగా సోమవారం టిఆర్ఎస్ అభ్యర్థి ఎమ్మెల్యే పైలెట్ రోహిత్ రెడ్డి సతీమణి ఆర్తి రెడ్డి మున్సిపల్ పట్టణ పరిధిలోని 6వ వార్డులో ప్రతి ఇంటింటికి తిరుగుతూ ఎన్నికల ప్రచారాన్ని నిర్వహించారు. ఈ సందర్భంగా ఆమె మాట్లాడుతూ కాంగ్రెస్ నాయకుల మాటలు నమ్మి ఆగం కావ్వొదని అన్నారు. తాండూరు నియోజకవర్గం ను అభివృద్ధి చేసిన ఈ ప్రాంత బిడ్డ రోహిత్ రెడ్డి కి మద్దతుగా ఉండాలని కోరారు. మీ బిడ్డ రోహిత్ రెడ్డి తోనే తాండూరు అభివృద్ధి చెందుతుందని సూచించారు.మీ ఆశీర్వాదంతోనే ఎమ్మెల్యే పైలెట్ రోహిత్ రెడ్డి మరోసారి గెలుపొందుతారని, ఎన్నికల్లో మీ ఆశీర్వాదం తో పాటు భారీ మెజారిటీ ఇచ్చి రోహిత్ రెడ్డి ని గెలిలించాలని  ఆర్తి రెడ్డి కోరారు.