పటాన్ చెరు,ప్రజాతంత్ర, ఆగస్ట్ 3: గవర్నర్ కోటాలో పటాన్ చెరుకు చెందిన, సంగారెడ్డి మాజీ ఎమ్మెల్యే కుర్ర సత్యనారాయణకు ఎమ్మెల్సీగా నామినేట్ చేయడంతో గురువారం పటాన్ చెరు మార్కెట్ కమిటీ చైర్మన్ బాయికాడి విజయకుమార్ మర్యాదపూర్వక కలిసి పుష్పగుచ్చం అందజేసి శాలువాతో సన్మానం చేశారు. ఈ సందర్భంగా విజయ్ కుమార్ మాట్లాడుతూ… సీనియర్ నాయకులైన కుర్ర సత్యనారాయణను తెలంగాణ రాష్ట్ర ప్రభుత్వం గవర్నర్ కోటాలో ఎమ్మెల్సీగా నామినేట్ చేయడంతో హర్షం వ్యక్తం చేస్తున్నామని అన్నారు. ముఖ్యమంత్రి కేసీఆర్, తెలంగాణ రాష్ట్ర ప్రభుత్వానికి ఎల్లవేళలా అండగా ఉంటామని ఆయన తెలిపారు. ఈ కార్యక్రమంలో బీఆర్ఎస్ ఎస్సి సెల్ పట్టణ అధ్యక్షుడు కొమరగూడెం వెంకటేష్, బీసీ సెల్ అధ్యక్షుడు ధనరాజ్ గౌడ్, శ్రీధర్ చారీ, గుండమొల్ల రాజు, మాషెట్టీ రాము, సూర్యప్రకాష్, విద్యాసాగర్, అమరేందర్, చిరంజీవి, శ్రీనివాస్ చారీ, తదితరులు పాల్గొన్నారు.
