తిరువనంతపురంలో స్వాగతిస్తూ భారీ ఏర్పాట్లు
రాహుల్‌గాంధీ పాదయాత్ర 4వ రోజు ఉత్సాహంగా కొనసాగింది. శనివారం మాలగం నుంచి మొదలైన భారత్‌ జోడో యాత్ర..సాయంత్రానికి కేరళలోకి ప్రవేశించింది. ఈ సందర్భంగా త్రివేండ్రం దగ్గర్లోని చేరువరకోణం వద్ద ఆయనకు స్వాగతం పలికేందుకు కాంగ్రెస్‌ శ్రేణులు భారీ ఏర్పాట్లు చేశారు. కేరళ పిసిసి ప్రెసిడెంట్‌ సుధాకరన్‌ సహా ముఖ్యనేతలంతా రాహుల్‌తో కలిసి యాత్ర చేయనున్నారు. తిరువనంతపురం నుంచి త్రిసూర్‌ వరకూ 7 జిల్లాల వి•దుగా ఈ పాదయాత్ర ఉంటుంది. ఈ యాత్ర సందర్భంగా పోలీసు బందోబస్తు భారీగా పెంచారు. రాహుల్‌ పాదయాత్రలో ఓ ఆసక్తికరమైన సన్నివేశం కనిపించింది. కర్రసాము చేసే ఓ వ్యక్తి రాహుల్‌ని కలవడానికి ప్రయత్నించాడు. ఐతే.. సెక్యూరిటీ వాళ్లు అడ్డుకున్నారు. ఇది గమనించిన రాహుల్‌ అతన్ని దగ్గరకు పిలిచారు. దీంతో..అతను తన కళను ప్రదర్శించారు. అద్భుతమని మెచ్చుకుంటూ రాహుల్‌ ఆయనకు వందనం చేశారు. రాహుల్‌గాంధీ యాత్రకు దారిపొడవునా మంచి స్పందన వొస్తుంది.
