తాండూరు, ప్రజాతంత్ర, నవంబర్ 17: పేదల బతుకుల్లో వెలుగులు నింపిన పార్టీ బీఆర్‌ఎస్‌ అని బీఆర్‌ఎస్‌ తాండూరు అభ్యర్థి, ఎమ్మెల్యే పైలెట్ రోహిత్ రెడ్డి తల్లి ప్రమొదిని పేర్కొన్నారు. శుక్రవారం ఎన్నికల ప్రచారంలో భాగంగా ఆమె యలాల మండలంలో పర్యటించారు. మండల పరిధిలోని జుంటుపల్లి గ్రామానికి చెందిన కాంగ్రెస్ సీనియర్ నాయకులు బసిరెడ్డి జెడ్పీటీసీ ప్రమోదిని సమక్షంలో బీఅర్ఎస్ లో చేరారు. కాంగ్రెస్ లో పనిచేసిన కార్యకర్తలకు గుర్తింపు లేదని బసిరెడ్డి విమర్శించారు. ఎన్నికల ప్రచారంలో పాల్గొన్న ఆమె బీ అర్ ఎస్ పార్టీ సంక్షేమ పథకాలను వివరించారు. దేశంలో ఎక్కడా లేని విధంగా తెలంగాణలో సంక్షేమ పథకాలు ప్రవేశ పెట్టారని చెప్పారు. తాండూరును అన్ని రంగాల్లో అభివృద్ధి చేస్తున్న ఎమ్మెల్యే పైలెట్ రోహిత్ రెడ్డి గారికి పట్టం కట్టాలని అన్నారు. ఈ కార్యక్రమంలో మాజీ జెడ్పీటీసీ సిద్రాలా శ్రీనివాస్, తాండూరు నియోజకవర్గ మహిళా అధ్యక్షురాలు శకుంతల, సర్పంచ్ సాయిలు, మాజీ సర్పంచ్ శివా నాయకులు అరవింద్ రెడ్డి పాల్గొన్నారు.
పేదల బతుకుల్లో వెలుగులు నింపిన బీఆర్‌ఎస్‌ను దీవించండి
