ఇక్కడ దేశ చట్ట సభలు
శిలా విగ్రహాలౌతున్నాయ్‌
ప్రజాస్వామ్య విలువలు
పట్టుతప్పి పోతున్నాయ్‌
రాజ్యాంగ స్పూర్తులు
కనుమరుగవుతున్నాయ్‌జి
సిద్ధాంత శూన్య పార్టీలు
ఊరూరా వెలుస్తున్నాయ్‌
ఎజెండా లేని జెండాలు
నింగినంట ఎగుర్తున్నాయ్‌
ఓటు బ్యాంకు పాలిటిక్స్
నిర్లజ్జగా చెల్లుతున్నాయ్‌
స్వార్థ శక్తుల దుశ్చర్యలు
బేసుగ్గా సాగుతున్నాయ్‌
కుటిల నాయక మూకలు
విద్రోహనికి తెగబడ్తున్నాయ్‌
సమైక్య జనాల నడుమ
భావోద్వేగాలు రెచ్చగొట్టి
నెత్తుటేరులు పారిస్తున్నాయ్‌
బూటక మాటలు పల్లవించి
అమాయక జనాల నమ్మించి
అధికార పీఠాలు అధిరోహించి
నియంత పాలన సాగిస్తున్నాయ్‌
ఇం‌కా మౌనం వహిస్తే
జాతి అస్తిత్వం ప్రశ్నార్ధకం
దేశ భవితవ్యం అంధకారం
అందుకే ఇక మేలుకొందాం
ఓటు దివ్యాస్త్రం సంధించి
కేటు పాలకులను గద్దె దించి
ప్రజాస్వామ్యాన్ని బతికిద్దాం
– కోడిగూటి తిరుపతి, 9573929493
