న్యూదిల్లీ,సెప్టెంబర్‌14: మా ఇంట్లో కొత్త వ్యక్తి వచ్చి చేరిందంటూ ప్రధాని మోదీ వీడియో విడుదల చేశారు. దిల్లీలోని లోక్‌ కల్యాణ్‌ మార్గ్ లో ప్రధాన మంత్రి అధికారిక నివాసం ఉన్న విషయం తెలిసిందే. తన నివాసంలో ఉన్న ఓ ఆవు చిన్ని లేగ దూడకు జన్మనిచ్చింది ఆ దూడకు మోదీ నామకరణం కూడా చేశారు. దూడ నుదుటిపై కాంతికి చిహ్నంగా ఒక ప్రత్యేకమైన గుర్తు ఉంది. ఈ విశిష్ట లక్ష ణాన్ని పురస్కరించుకుని దానికి ప్రధాని మోదీ ’దీప్‌ జ్యోతి’అని పేరు పెట్టారు. తన నివాసంలో లేగదూడకు శాలువా కప్పి ప్రత్యేక పూజలు కూడా చేశారు. అందుకు సంబంధించిన వీడియోను పోస్టు చేశారు. వీడియోలో ప్రధాని మోదీ.. లేగదూడను ముద్దాడుతూ కనిపించారు. ప్రస్తు తం ఈ వీడియో నెటిజన్లను విశేషంగా ఆకట్టుకుంటోంది.
మోదీ ఇంట్లో కొత్త జీవి లేగదూడ ఫోటోను షేర్‌ చేసి ప్రధాని
