అన్యులెవరూ అందించలేనిది
అంతరంగంలో జనించేది
ఆత్మవిశ్వాసం.
విజయసోపానాల అధిరోహణకు,
సమస్యలతో సమరానికి
మూలసూత్రమదే.
ఆటంకాల కంటకాలను ఛేదించి,
ఆశయాలకు ఆయువు పోస్తూ,
సమస్యలను సాధింపచేస్తూ,
లక్ష్యాన్ని చేర్చే ధీరత్వ మంత్రమది.
నిస్సహాయ ఒడిలో ఒదగక
సుఖశాంతులతో జీవించడానికి,
నీరవనిశీధిలో
గోరంత వెలుగు చూపడానికి
తోడ్పడే ఇంధనం,
లక్ష్యం దిశగా నడిపే దివ్యత్వమయిన
ఆత్మవిశ్వాస బీజాన్ని
మనసులో నాటుకుంటే
బతుకుభారం తగ్గుతుంది.
అందుకే…
అపజయాలను అధిగమించి,
నిరాశా, నిర్లిప్తతల
వలయాలను ఛేదించి
ముందుకు నడిపే దివ్యౌషధమైన
ఆత్మవిశ్వాసమే ఊతంగా సాగిపో
మున్ముందుకు ఓ మనిషీ…
– వేమూరి శ్రీనివాస్‌
9912128967
తాడేపల్లిగూడెం
