శేరిలింగంపల్లి, ప్రజాతంత్ర, సెప్టెంబర్ 15: శేరిలింగంపల్లి నియోజక వర్గం ఆల్విన్ కాలని డివిజన్ పరిధిలోని ఎన్టీఆర్ నగర్ లో శుక్రవారం సందయ్య మెమోరియల్ ట్రస్ట్ ఆధ్వర్యంలో ఉచిత కంటి పరీక్ష శిబిరాన్ని ఏర్పాటు చేసి పరీక్షలు నిర్వహించి అద్దాలను పంపిణీ చేశారు. ఈ కార్యక్రమానికి ముఖ్యఅతిథిగా ట్రస్ట్ చైర్మన్ మాజీ ఎమ్మెల్యే బిక్షపతి యాదవ్ పాల్గొని కార్యక్రమాన్నిప్రారంభించారు. అనంతరం ఉచితంగా కంటి అద్దాల పంపిణీ చేశారు. ఈ సందర్భంగా ఆయన మాట్లాడుతూ ఎన్నో సంవత్సరాల నుండి తన నాయన సందయ్య పేరుతో ట్రస్ట్ స్థాపించి ప్రభుత్వ పాఠశాలలో విద్యార్థులకు నోట్ పుస్తకాలు పంపిణీ చేయడమే కాకుండా నియోజకవర్గ పరిధిలోని అనేక కాలనీలలో బస్తీలలో ఉచిత వైద్య శిబిరాలు ఏర్పాటు చేసి వైద్య సేవలు అందిస్తున్నామని తెలిపారు.సేవ చెయ్యాలనే దృఢ సంకల్పం ఉంటే ప్రతి ఒక్కరు ఏదో ఒక రకంగా సేవ చేయొచ్చునని మేము ఎంచుకున్న మార్గం విద్య ,వైద్య రంగాలలో పేద ప్రజలకు సేవ చేసి వారి మన్నలను పొందాలని, వారి ఆశీస్సులు మాపై ఉండాలని కోరుకుంటున్నామని ఆయన తెలిపారు.ఈ కార్యక్రమంలో వినోద్ రావు, నరసింహ చారి, కృష్ణ గౌడ్ ,సందీప్ గౌడ్, విష్ణువర్ధన్ రెడ్డి, ఎత్తరి రమేష్, సత్యనారాయణ సుధాకర్ ,సురేష్, సైదమ్మ ,అనూష, రాహుల్, రాజు, మొదలగు వారు పాల్గొన్నారు.
