- రాజ్యాంగం నుంచి పదాలు మిస్సింగ్‌..
- కాంగ్రెస్‌ లోక్‌ సభాపక్షనేత అధీర్‌ రంజన్‌ చౌదరి విమర్శలు
- మహిళా బిల్లుపైనా పార్లమెంట్‌లో వాడివేడి చర్చ
ప్రజాతంత్ర ఇంటర్నెట్‌ డెస్క్ ,న్యూ దిల్లీ .సెప్టెంబర్‌ 20: నూతన పార్లమెంట్‌ భవనంలోకి అడుగుపెట్టిన సందర్భంగా తమకు ఇచ్చిన రాజ్యాంగం కాపీలలో ‘సెక్యులర్‌’, ‘సోషలిస్ట్’ అనే పదాలు కనిపించడం లేదని కాంగ్రెస్‌ లోక్‌సభాపక్షనేత అధీర్‌ రంజన్‌ చౌదరి తెలిపారు. 1976లో రాజ్యాంగ సవరణ చేసి ఈ పదాలను చేర్చినట్లు గుర్తు చేసిన అధీర్‌.. వాటిని తమకు ఇచ్చిన కాపీలలో ఎందుకు పొందుపర్చలేదని ప్రశ్నించారు. ఇది రాజ్యాంగాన్ని మార్చేందుకు చేస్తున్న ప్రయత్నమేనని కేంద్ర ప్రభుత్వం లక్ష్యంగా విమర్శలు గుప్పించారు. కాంగ్రెస్‌ మాజీ అధినేత్రి సోనియా గాంధీ సైతం ఈ విషయంపై స్పందించారు. రాజ్యాంగ పీఠికలో సోషలిస్ట్, సెక్యులర్‌ పదాలు కనిపించడం లేదని చెప్పారు. మరోవైపు, కాంగ్రెస్‌ ఎంపీ కేసీ వేణుగోపాల్‌ ఈ విషయంపై బీజేపీ సర్కారు లక్ష్యంగా విమర్శలు గుప్పించారు. ‘ఇదెలా జరుగుతుంది? మనసులో ఏది ఉంటే.. అదే మన చేతల్లో కనిపిస్తుంది. ఇప్పుడు రాజ్యాంగ పీఠికను మార్చేశారు. చాలా ముఖ్యమైన సోషలిస్ట్, సెక్యులర్‌ పదాలను కనిపించకుండా చేశారు. ప్రభుత్వం నుంచి వచ్చిన స్పష్టమైన సందేశమిది. ఇది దురదృష్టకరం’ అని కేసీ వేణుగోపాల్‌ అన్నారు. సీపీఐ నేత బినోయ్‌ విశ్వం సైతం ఈ రెండు పదాలను విస్మరించడంపై తీవ్రంగా స్పందించారు. వాటిని లేకుండా రాజ్యాంగ కాపీలు ఇవ్వడాన్ని తప్పుబట్టారు. ఇది నేరపూరిత చర్య అని విమర్శించారు. అయితే, ఈ విషయంపై స్పందించిన కేంద్ర న్యాయశాఖ మంత్రి అర్జున్‌ రామ్‌ మేఘవాల్‌.. రాజ్యాంగం అసలైన వెర్షన్‌ కాపీలను సభ్యులకు ఇచ్చినట్లు వివరణ ఇచ్చారు. సోషలిస్ట్, సెక్యులర్‌ అనే పదాలను రాజ్యాంగ సవరణ చేసి తర్వాత చేర్చారని అన్నారు.
‘ఇవి (తాజాగా పంపిణీ చేసిన రాజ్యాంగం కాపీలు) అసలైన పీఠిక ఆధారంగా ఉన్నాయి. ఆ తర్వాత సవరణలు జరిగాయి’ అని అన్నారు. హిళా రిజర్వేషన్‌ బిల్లుపై వాడివేడి చర్చ సందర్భంగా బుధవారం మహిళా ఎంపీల పేలుడు ప్రసంగాలతో కొత్త పార్లమెంట్‌ ప్రతిధ్వనించింది. మాజీ కాంగ్రెస్‌ అధినేత్రి సోనియా గాంధీ, డీఎంకే ఎంపీ కనిమొళి, ఎన్‌సీపీకి చెందిన సుప్రియా సూలే మహిళలను గౌరవించడంలో విఫలమయ్యారని ప్రభుత్వంపై విరుచుకుపడగా.. కేంద్ర మంత్రి స్మృతి ఇరానీ స్పందిస్తూ ప్రభుత్వం మహిళలను లెక్కించిందని, గౌరవించిందని ప్రకటించారు. చట్టసభలలో మహిళలకు 33 శాతం రిజర్వేషన్లను ప్రతిపాదిస్తున్న ఈ బిల్లుపై చర్చ కోసం సోనియా గాంధీ ఏడు గంటల సమయం కేటాయించారు. మహిళా రిజర్వేషన్‌ బిల్లుకు మేం మద్దతు ఇస్తాం అని ప్రకటించారు కాంగ్రెస్‌ అధినేత్రి సోనియా గాంధీ.. వంటిల్లు నుంచి ప్రపంచవేదికల వరకు భారత మహిళల పాత్ర ఎంతో ఉందన్న ఆమె.. మహిళలు వారి స్వార్థం గురించి ఏనాడూ ఆలోచించరని తెలిపారు.. స్వాతంత్య్ర పోరాటంలో మహిళల పాత్ర మరువలేనిదని కొనియాడారు.. ఆధునిక భారత నిర్మాణంలో పురుషులతో కలిసి మహిళలు పోరాడారు.. స్థానిక సంస్థల్లో మహిళలకు రిజర్వేషన్లు రాజీవ్‌ గాంధీ అందించారని గుర్తుచేశారు.. పీవీ నరసింహారావు నేతృత్వంలోని కాంగ్రెస్‌ ప్రభుత్వమే ఈ రిజర్వేషన్లను అమలుచేసిందన్న ఆమె.. అందువల్లే ఈ రోజు దేశంలో 15 లక్షల మంది మహిళలు అధికారాన్ని దక్కించుకున్నారని తెలిపారు.
ఈ బిల్లుకు కాంగ్రెస్‌ పార్టీని సమర్థిస్తోందని స్పష్టం చేశారు. సరోజిని నాయుడు, సుచేత కృపలానీ, అరుణ్‌ అసఫ్‌ అలీ, విజయలక్ష్మీ పండిత్‌ వంటి వారెందరో దేశం కోసం పోరాడారంటూ స్మరించుకున్నారు సోనియా గాంధీ.. మహిళా రిజర్వేషన్‌ బిల్లుపై కాంగ్రెస్‌ పార్లమెంటరీ పార్టీ చైర్‌పర్సన్‌ సోనియా గాంధీ నేడు లోక్‌సభలో పార్టీ చర్చకు నాయకత్వం వహించారు. లోక్‌సభలో బిల్లుపై చర్చ సందర్భంగా కాంగ్రెస్‌ అధినేత్రి సోనియాగాంధీ మహిళా రిజర్వేషన్‌ బిల్లు కింద ఓబీసీ, ఎస్సీ కోటా డిమాండ్‌ చేయడంతో బీజేపీ, ప్రతిపక్ష నేతల మధ్య మాటల యుద్ధం నెలకొంది. భారతీయ మహిళల త్యాగాలు, విజయాలను ప్రస్తావించిన సోనియా గాంధీ, స్థానిక సంస్థల్లో రిజర్వేషన్లను ప్రవేశపెట్టినందుకు మాజీ ప్రధాని రాజీవ్‌ గాంధీకి ఘనత వహించారని గుర్తుచేశారు. వీలైనంత త్వరగా బిల్లును అమలు చేయాలని కాంగ్రెస్‌ డిమాండ్‌ చేస్తుందని, మహిళా రిజర్వేషన్‌ బిల్లులో షెడ్యూల్డ్ కులాలు, ఓబీసీలకు తక్షణమే కుల గణన, కోటా ఇవ్వాలని డిమాండ్‌ చేస్తున్నామని తెలిపారు సోనియా గాంధీ.. బీజేపీకి చెందిన నిషికాంత్‌ దూబే ఈ డిమాండ్‌ను బిల్లు నుంచి మళ్లించడానికి, మహిళా బిల్లుకు క్రెడిట్‌ కొట్టే ప్రయత్నంగా అభివర్ణించారు. ఓబీసీ రిజర్వేషన్ల గురించి కాంగ్రెస్‌ గతంలో ఎన్నడూ మాట్లాడలేదని, రాజకీయ కోణాల కోసం ఇప్పుడు ఈ కొత్త అంశాలు తెరపైకి తెస్తున్నాయని అన్నారు.
మహిళా రిజర్వేషన్‌ బిల్లుకు సంబంధించి డీఎంకే నాయకురాలు కనిమొళి బుధవారం లోక్‌సభలో మాట్లాడుతూ మహిళా రిజర్వేషన్‌ బిల్లు రిజర్వేషన్లకు సంబంధించినది కాదని, పక్షపాతం, అన్యాయాన్ని తొలగించే చర్య అని అన్నారు. మహిళలకు సమాన గౌరవం కావాలని అన్నారు. ఈ బిల్లు అమలయ్యే వరకు ఎంతకాలం వేచి చూడాలని ఆయన అన్నారు. రాజ్యాంగ సవరణ బిల్లు ‘నారీ శక్తి వందన్‌ అధినియం’పై జరిగిన చర్చలో ఆమె మాట్లాడుతూ.. మహిళా రిజర్వేషన్ల అమలుపై ప్రభావం చూపేందుకే బిల్లులో ‘డీలిమిటేషన్‌ తర్వాత’ అనే క్లాజును తొలగించాలని.. మితిమీరిన జాప్యం జరిగే అవకాశం ఉందన్నారు.బిల్లులో ప్రతిపాదించిన లోక్‌సభ, రాష్ట్రాల అసెంబ్లీలలో మహిళలకు 33 శాతం రిజర్వేషన్లు జనాభా లెక్కలు, డీలిమిటేషన్‌ పక్రియ తర్వాత మాత్రమే అమలు చేయబడతాయి.ఈ బిల్లును అమలు చేసేందుకు ఎంతకాలం వేచి చూడాలని ఆయన అన్నారు. వచ్చే పార్లమెంట్‌ ఎన్నికల్లో దీన్ని సులభంగా అమలు చేయవచ్చు. ఈ బిల్లు రిజర్వేషన్‌ కాదని, పక్షపాతం, అన్యాయాన్ని తొలగించే చర్య అని మీరు అర్థం చేసుకోవాలన్నారు.టోకెనిజం రాజకీయాలు ఆలోచనల రాజకీయంగా మారాలని ఆమె ఉద్ఘాటించారు. ఈ బిల్లుకు ‘నారీ శక్తి వందన్‌ చట్టం’ అని పేరు పెట్టారు. మాకు సెల్యూట్‌ చేయడం ఆపండి. మాకు నమస్కారం అక్కర్లేదు, పీఠాలు వేయకూడదు, పూజలు చేయకూడదు%••% సమానంగా గౌరవించాలని ఆమె అన్నారు. తమిళనాడు దివంగత ముఖ్యమంత్రి జయలలిత చాలా బలమైన మహిళ అని ఒప్పుకోవడానికి ఎలాంటి సంకోచం లేదని కనిమొళి అన్నారు. తమిళనాడులో డీఎంకే ప్రత్యర్థి అన్నాడీఎంకే అధినేత్రి జయలలిత. మహిళా రిజర్వేషన్‌ బిల్లుకు సంబంధించి ప్రతిపక్ష నేతలు కచ్చితంగా బిల్లుకు మద్దతు ఇస్తున్నారు కానీ బీజేపీపై దాడికి వెనుకాడడం లేదు. ఎన్‌సీపీ ఎంపీ, శరద్‌ పవార్‌ కుమార్తె సుప్రియా సూలే బీజేపీపై మాటల దాడి చేశారు. బీజేపీ మహిళల పట్ల తప్పుగా ఆలోచిస్తోందని ఆరోపించారు. ఇది బీజేపీ మాత్రమేనని, ఇంటికి వెళ్లి భోజనం వండమని మహారాష్ట్ర బీజేపీ అధ్యక్షుడు నాతో చెప్పారని అన్నారు. బీజేపీ ఎంపీ నిషికాంత్‌ దూబే వ్యాఖ్యలపై సుప్రియా సూలే స్పందించారు.
పార్లమెంట్‌లో బిల్లుపై చర్చ సందర్భంగా దూబే మాట్లాడుతూ మహిళలను కించపరిచే, కించపరిచే మాటలు మాట్లాడే వారికి భారతదేశం అనుకూలంగా ఉందని అన్నారు. 2010లో యూపీఏ ప్రభుత్వం బిల్లును ప్రవేశపెట్టిందని పేర్కొన్న సోనియా గాంధీపై కేంద్ర మంత్రి స్మృతీ ఇరానీ విరుచుకుపడ్డారు. మహిళా రిజర్వేషన్‌ బిల్లుపై చర్చ సందర్భంగా కాంగ్రెస్‌ మాజీ అధ్యక్షురాలు సోనియాగాంధీ మాట్లాడుతూ మోడీ ప్రభుత్వం ప్రవేశపెట్టిన ఈ బిల్లు యూపీఏ హయాంలోనిదేనని వ్యాఖ్యానించారు. ఈ వ్యాఖ్యలపై కేంద్ర మంత్రి స్మృతి ఇరానీ గట్టిగా స్పందించారు. సోనియా పేరు ఎత్తకుండానే విమర్శల వర్షం కురిపించారు. 2010లో బిల్లు తీసుకొచ్చిన వాళ్లు దాన్ని ఎందుకు పాస్‌ చేయలేకపోయారని ప్రశ్నించారు. ఇప్పుడు మాత్రం ‘‘ఇది మా బిల్లు’’ అని చెప్పుకుంటున్నారని ఆగ్రహం వ్యక్తం చేశారు.. మతపరమైన కోటాలు అడుగుతూ కాంగ్రెస్‌ దేశాన్నితప్పుదోవ పట్టించేందుకు ప్రయత్నిస్తోందని మండిపడ్డారు. ఇలా మహిళా రిజర్వేషన్‌ బిల్‌పై ఎన్నో వాదోపవాదాలు జరిగాయి. ఇదిలా ఉంటే అమిత్‌ షా చర్చ సమయంలో కాంగ్రెస్‌ పార్టీపై విరుచుకుపడ్డారు. మహిళా రిజర్వేషన్‌ బిల్లుపై మాట్లాడేందుకు లేచినిలబడిన బీజేపీ ఎంపీ నిశీకాంత్‌ దూబే ను కాంగ్రెస్‌ నేత రధీర్‌ రంజన్‌ చౌదరీ అడ్డుకోవడంతో ఒక్కసారిగా గందరగోళం ఏర్పడింది.
నారీ శక్తి వందన్‌ అధినియంపై కాంగ్రెస్‌ అధినేత్రి సోనియా గాంధీ మాట్లాడిన తర్వాత బీజేపీ తరుపున నిశికాంత్‌ దూబే మాట్లాడేందుకు నిలబడ్డారు. ఆ సమయంలో కాంగ్రెస్‌ ఎంపీ అధీర రంజన్‌ చౌదరీ మహిళా ఎంపీని నామినేట్‌ చేయాలని పట్టుబట్టడంతో కొద్దిసేపు గందరగోళం నెలకొంది.దీంతో అమిత్‌ షా జోక్యం చేసుకున్నారు. కాంగ్రెస్‌ పై విమర్శలు గుప్పించారు. తొలుత తనను మాట్లాడిలేనందుకు ఆయన అసూయగా ఉన్నారని కౌంటర్‌ ఇచ్చారు. ఽ నేను అధీర్‌ జీని అదగాలను కుంటున్నాను, మహిళలు మాత్రమే మహిళల గురించి శ్రద్ధ చూపిస్తారా..? మహిళల గురించి పురుషులు మాట్లాడకూడదా..? మీరు ఎలాంటి సమాజాన్ని నిర్మించాలని అనుకుంటున్నారు..? మహిళా సంక్షేమంపై సోదరుడు ఒక అడుగు ముందుకేయాలి అనేది మన దేశ సంప్రదాయం. మహిళా సంక్షేమం గురించి ఆలోచించే హక్కు ప్రతి ఒక్కరికీ ఉంది.మరి నిషికాంత్‌ జీ మా వైపు నుండి మాట్లాడటానికి లేచి నిలబడితే, అతని (చౌదరి) అభ్యంతరం ఏమిటి బహుశా అతనికి మొదట మాట్లాడే అవకాశం రాకపోవటం వల్ల, అతను కొంచెం అసూయపడుతున్నాడు’’ అంటూ అమిత్‌ షా విమర్శలు గుప్పించారు.
