గజ్వెల్ ప్రజాతంత్ర, డిసెంబర్ 4: తెలంగాణ రాష్ట్ర స్థాయి సీనియర్ ఉమెన్ కబడ్డీ పోటీలు నిజామాబాద్ జిల్లాలో సోమవారం నుండి 6వ తేదీ వరకు జరుగబోయే 70వ సీనియర్ మహిళా కబడ్డీ పోటీలకు సిద్దిపేట జిల్లా కబడ్డీ అసోసియేషన్ అధ్యక్షులు నేతి చిన్న సంతోష్ కబడ్డీ క్రిడా దుస్తులను అందజేసారు. నాలుగు రోజుల పాటు శిక్షణ పొందిన క్రిడాకారులకు భోజనం వసతి కల్పించడంతో పాటు రవాణా సౌకర్యాలకు 10,000 రూపాయలను అందజేయడం జరిగింది. సిద్దిపేట జిల్లా కబడ్డీ క్రిడాకారులు రాష్ట్ర స్థాయి కబడ్డీ పోటీలలో మంచి ప్రతిభ కనబరిచి ప్రథమ స్థానంలో నిలవాలని క్రిడాకారులకు సూచించారు. సిద్దిపేట జిల్లాను జాతీయ అంతర్జాతీయ స్థాయిలో రాణించేలా సిద్దిపేట జిల్లా కబడ్డీ అసోసియేషన్ పని చేస్తుందని తెలియజేశారు. ఈ కార్యక్రమంలో సిద్దిపేట జిల్లా కబడ్డీ అసోసియేషన్ ప్రధాన కార్యదర్శి కుంటనోళ్ళ శివ కుమార్, కోచ్ చిల్లీ మహేష్, క్రీడాకారులు తదితరులు పాల్గొన్నారు.
70వ రాష్ట్ర స్థాయి సీనియర్ మహిళా కబడ్డీ పోటీలకు సిద్దిపేట జిల్లా కబడ్డీ జట్టుక ఎంపిక
