22న సమాధానం ఇస్తామన్న ఈడీ
న్యూదిల్లీ,ఆగస్ట్20(ఆర్‌ఎన్‌ఎ)
ఈడీ, సీబీఐ కేసుల్లో బెయిల్‌ దిల్లీ హైకోర్టు నిర్ణయాన్ని సవాల్‌ చేస్తూ కవిత దాఖలు చేసిన పిటిషన్లపై ఈ నెల 12న సుప్రీంకోర్టు కేంద్ర దర్యాప్తు సంస్థల సమాధానం కోరింది. మద్యం పాలసీ కేసులో సీబీఐ, ఈడీ వేర్వేరుగా కేసులు నమోదు చేసిన విషయం తెలిసిందే. మార్చి 15న హైదరాబాద్‌లో కవితను ఈడీ అరెస్టు చేసింది. ప్రస్తుతం జ్యుడీషియల్‌ కస్టడీపై తిహార్‌ జైలులో ఉన్నారు.
బెయిల్‌పై అరవింద్‌ కేజ్రీవాల్‌కు మరోమారు నిరాశ
27వరకు కేజ్రీవాల్‌ జ్యుడీషియల్‌ కస్టడీ
న్యూదిల్లీ,ఆగస్ట్20(ఆర్‌ఎన్‌ఎ)
సీబీఐ తనను వేధింపులకు గురిచేస్తున్నదని ఇప్పటికే కేజ్రీవాల్‌ ఆరోపించిన సంగతి తెలిసిందే. లిక్కర్‌ స్కామ్‌ కేసులో 2023 ఏప్రిల్‌ లో నన్ను విచారణకు పిలిచినప్పుడు సీబీఐకి పూర్తిగా సహకరించాను. కానీ ఈ కేసు దర్యాప్తు పేరుతో సీబీఐ నన్ను నిరంతరం వేధిస్తున్నది. ఇది చాలా తీవ్రమైన అంశం. నా అరెస్టు పూర్తిగా అక్రమం, రాజ్యాంగ విరుద్ధం. ఏ కేసులోనైనా రిమాండ్‌ ఉత్తర్వులు సాధారణం. కానీ ఇవి న్యాయ పక్రియను దెబ్బతీసేందుకు దారితీస్తాయి. ఇప్పటికే కేసు విచారణ, ఆధారాల సేకరణ పూర్తయింది.
అయినా సీబీఐ ఇలా వ్యవహరించడం సరికాదని గతంలో కేజ్రీవాల్‌ వ్యాఖ్యానించిన విషయం విదితమే. లిక్కర్‌ స్కామ్‌కు సంబంధించి మనీలాండరింగ్‌ కేసులో కేజ్రీవాల్‌ ను మొదట ఈడీ అరెస్టు చేసింది. ఆ కేసులో జైల్లో ఉన్న ఆయనను జూన్‌ 26న సీబీఐ అరెస్టు చేసింది. ట్రయల్‌ కోర్టులో హాజరుపరచగా.. మూడ్రోజులు సీబీఐ కస్టడీకి అప్పగించడంతో పాటు ఈ నెల 12 వరకు జ్యుడీషియల్‌ కస్టడీ విధిస్తూ కోర్టు ఆదేశాలు ఇచ్చింది. తన అరెస్టుతో పాటు ట్రయల్‌ కోర్టు ఉత్తర్వులను కూడా సవాల్‌ చేస్తూ కేజ్రీవాల్‌ వేసిన పిటిషన్‌ దిల్లీ హైకోర్టులో పెండింగ్‌లో ఉంది.
