కూకట్ పల్లి ప్రజాతంత్ర డిసెంబర్ 20: గుర్తు తెలియని వాహనం ఢీకొని వ్యక్తికి తీవ్ర గాయాలైన సంఘటన బోయిన్ పల్లి పోలీసు స్టేషన్ పరిధిలో చోటుచేసుకుంది. స్టేషన్ ఎస్సై శివశంకర్ తెలిపిన వివరాల ప్రకారం మొండూరి శ్రీనివాస్ రావు అనే వ్యక్తి సోమవారం రాత్రి విధులు నిర్వహించుకున్న అనంతరం తిరుగు ప్రయాణంలో ద్విచక్రవాహనం (ఏపీ28బీవై 6289)పై వస్తుండగా ఓల్డ్ బోయిన్ పల్లి, శ్రీలతా గార్డెన్ సిగ్నల్, వద్ద గుర్తుతెలియని వాహనం వేగంగా ఢీకొట్టి వెళ్లడంతో శ్రీనివాసరావుకి తలకు బలమైన గాయం కావడంతో, చికిత్స నిమిత్తం ఓ ప్రయివేటు ఆసుపత్రికి తరలించారు.
నిందితులను త్వరలోనే అదుపులోకి తీసుకుంటాం
బోయిన్ పల్లి ఎస్సై: వగ్గు శివశంకర్..
సోమవారం రాత్రి జరిగిన రోడ్డు ప్రమాదాన్ని సీ సీ కెమెరాల ద్వారా పరిశీలిస్తున్నామని, అందులో, సుచిత్రా వైపు నుంచి వేగంగా వెళ్తున్న డీసీయం వాహనాన్ని గుర్తించామని, ప్రమాదం జరిగింది రాత్రి సమయం కావడంతో వాహనం నంబరుని గుర్తించడానికి వీలు కాలేదని, దానిపై మా సిబ్బంది ద్వారా పరిశీలన చేసి త్వరలోనే నిందితులను అదుపులోకి తీసుకుంటామని తెలిపారు.
