పటాన్ చెరు,ప్రజాతంత్ర, ఆగస్ట్ 5: గవర్నర్ కోటాలో పటాన్ చెరుకు చెందిన, సంగారెడ్డి మాజీ ఎమ్మెల్యే కుర్ర సత్యనారాయణకు ఎమ్మెల్సీగా నామినేట్ చేయడంతో శనివారం అమీన్ పూర్ మున్సిపల్ చైర్మన్ తుమ్మల పాండు రంగారెడ్డి బృందంతో మర్యాదపూర్వక కలిసి పుష్పగుచ్చం అందజేసి శాలువాతో సన్మానం చేశారు. ఈ సందర్భంగా పాండురంగారెడ్డి మాట్లాడుతూ… సీనియర్ నాయకులైన కుర్ర సత్యనారాయణను తెలంగాణ రాష్ట్ర ప్రభుత్వం గవర్నర్ కోటాలో ఎమ్మెల్సీగా నామినేట్ చేయడంతో హర్షం వ్యక్తం చేస్తున్నామని అన్నారు. ముఖ్యమంత్రి కేసీఆర్, తెలంగాణ రాష్ట్ర ప్రభుత్వానికి ఎల్లవేళలా అండగా ఉంటామని ఆయన తెలిపారు. ఈ కార్యక్రమంలో కౌన్సిలర్లు, అమీన్ పూర్ మున్సిపాలిటీ బీఆర్ఎస్ పార్టీ అధ్యక్షుడు బాల్ రెడ్డి, బీఆర్ఎస్ నాయకులు చంద్రశేఖర్, వడ్లకాలప్ప, జగదీష్, బాల్ రాజ్,తదితరులు పాల్గొన్నారు.
