- మద్యంతో కెటిఆర్‌ దీపావళి వేడుకలు
- తప్పు చేయకుంటే రాజ్‌ పాకాల ఎందుకు ప‌రార‌య్యారు?
- మీడియాతో చిట్‌చాట్‌లో సిఎం రేవంత్‌ రెడ్డి స్పష్టీకరణ
దీపావళి అంటే ఎవరైనా చిచ్చుబుడ్లు కాలుస్తారు. కానీ, జన్వాడ ఫామ్ హౌస్‌లో మాత్రం సారాబుడ్లు బయటికొచ్చాయి. అనధికార విదేశీ మద్యంతో కేటీఆర్‌ దీపావళి జరుపుకొంటున్నారా? జన్వాడ ఫామ్‌హౌస్‌పై బీఆర్‌ఎస్‌ కట్టుకథలు హాస్యాస్పదం. ప్రభుత్వం చేసే మంచి పనులకు మీడియా సహకరించాలి.. అని సిఎం రేవంత్‌ రెడ్డి అన్నారు. మాజీ మంత్రి కేటీఆర్‌ బావమరిది రాజ్‌ పాకాల విందుపై సీఎం రేవంత్‌రెడ్డి హాట్‌ కామెంట్స్ చేశారు.
మంగళవారం మీడియాతో సీఎం రేవంత్‌రెడ్డి చిట్‌చాట్‌ చేశారు. మాకు దీపావళి అంటే చిచ్చు బుడ్లు.. వాళ్లకు మాత్రం సారా బుడ్లు’ అని విమర్శించారు. దీపావళి దావత్‌ అలా చేస్తారని తమకు తెలియదని ఎద్దేవా చేశారు. ఏమీ చేయకుంటే రాజ్‌ పాకాల ఎందుకు పారిపోయారని ప్రశ్నించారు. ముందస్తు బెయిల్‌ ఎందుకు అడిగారని నిలదీశారు. ఇంటి దావత్‌లో క్యాసినో కాయిన్స్, విదేశీ మద్యం ఎందుకని సీఎం రేవంత్‌రెడ్డి ప్రశ్నించారు.
