పటాన్‌చెరు,ప్రజాతంత్ర, డిసెంబర్ 29: గీతం స్కూల్ ఆఫ్ హ్యుమానిటీస్ అండ్ సోషల్ సెన్సైస్కు చెందిన బీ.ఏ. సెక్షాలజీ మూడో ఏడాది విద్యార్థిని రియా సబూ రోలర్ స్కేటింగ్లో ప్రతిభ చాటి ఒక బంగారు, రెండు రజత పతకాలను గెలుచుకుంది.
ఇటీవల చెన్నయ్ లో నిర్వహించిన 61వ జాతీయ రోలర్ స్కేటింగ్ ఛాంపియన్షిప్ పోటీలలో తెలంగాణ
రాష్ట్రానికి ప్రాతినిధ్యం వహించిన ఆమె అత్యుత్తమ ప్రదర్శనను చాటి అటు తెలంగాణ రాష్ట్రానికి, ఇటు గీతం డీమ్డ్ విశ్వ విద్యాలయ కీర్తిని తెచ్చిపెట్టింది.
రియా అసాధారణ విజయాన్ని హ్యుమానిటీస్ డెరైక్టర్, స్పోర్ట్ డెరైక్టర్లతో పాటు విశ్వవిద్యాలయ ఉన్నతాధి కారులు, పలువురు అధ్యాపకులు, తోటి విద్యార్థులు ప్రశంసించడమే గాక, ఆమెను ప్రత్యేకంగా అభినందించారు.రియా సాధించిన విజయం తోటి విద్యార్థులను, వారు ఎంచుకున్న రంగాలలో రాణించడానికి ప్రేరేపిస్తోందని గీతం క్రీడా విభాగం అధికారులు వ్యాఖ్యానించారు.
